आपल्या सगळ्यांना जर समृद्ध व्हायचे असेल तर सहकाराला पर्याय नाही हे नक्की. संकल्प तत्वाचा हा धागा पकडून २०१२ साली निर्मिती झाली ती लातूर सहकारी संस्थेची. लातूर आणि परिसरातील प्रत्येक तरुणाला आणि शेतकऱ्याला स्वतःच्या पायावर उभे राहता यावे, त्यांना कुठल्याही प्रकारच्या आर्थिक मदतीसाठी दुसरीकडे जाण्याची गरज पडू नये म्हणून संस्थेचे कार्य तेव्हापासून अखंड सुरु आहे. बघता बघता ही संस्था मल्टीस्टेटमध्ये परावर्तित होऊन सध्या त्याच्या ८ ठिकाणी शाखा कार्यरत आहेत.

संस्थेच्या मार्फत बँकिंगच्या विविध सेवा पुरवल्या जातात. यामध्ये सगळ्या प्रकारच्या ठेव योजना तसेच कर्ज योजनासुद्धा आहेत. काळानुरूप संस्थेने स्वतःला अद्ययावत ठेवून सर्व प्रकारची डिजिटल बँकिंग सुविधा सुद्धा उपलब्ध करून दिली आहे. या सगळ्याच योजनांचा आणि सुविधांचा यशस्वीरित्या फायदा संस्थेचे हजारो सभासद घेत आहेत. वेळोवेळी त्यांनी दिलेल्या सुचनांचा आदर करत सेवेमध्ये प्रगती करण्यात येते.

पारदर्शी कारभार, तत्पर सेवा, संपूर्ण सुविधा आणि आपलेपणा या चार सूत्रांवर संस्था काम करते. संस्थेत आलेल्या सभासदाला सेवेचे समाधान मिळावे यासाठी संस्थेचे कर्मचारी झटत असतात म्हणूनच व्यवहारापलीकडचे नाते इथे तयार होते आणि तीच आमची खरी संपत्ती आहे. भविष्यातही लातूर मल्टीस्टेट परिवाराच्या प्रत्येक सभासदाला जास्तीत सेवा सुविधा पुरवण्यासाठी आम्ही कटिबद्ध आहोत.